کوئٹہ (آن لائن)گڈانی شپ بریکنگ یارڈ پر لنگر انداز تیل بردار جہاز کے معاملے میں اہم پیش رفت ہوئی ہے اور اعلی سطح کی تحقیقاتی کمیٹی نے سخت کارروائی کرنے کا فیصلہ کر لیا ہے۔

تحقیقاتی حکام کے مطابق جہاز بیچنے اور خریدنے والے دونوں کے خلاف کارروائی کرنے کا فیصلہ کیا گیا ہے کیونکہ جہاز کی خرید و فروخت اور اسے پاکستان لائے جانے میں عالمی قوانین کی خلاف ورزی کی گئی۔حکام نے مزید بتایا کہ سلج میں مرکری کا لیول خطرناک حد سے بھی زیادہ ہے جسے لانا ممنوع ہے، اس سلسلے میں ڈی جی پورٹس اینڈ شپنگ کی سربراہی میں قائم تحقیقاتی ٹیم نے کام گڈانی شپ بریکنگ یارڈ پر لنگرانداز تیل بردار جہاز کے معاملے پر تحقیقاتی کمیٹی کی تحقیقات حتمی مراحل میں داخل ہوگئی ہیں اور تحقیقاتی کمیٹی نے سخت کارروائی کرنے کا فیصلہ کیاہے۔حکام نے بتایا کہ سلج میں مرکری لیول پی سی ایس آئی آر کی رپورٹ سے واضح ہوا ہے، مرکری ملا سلج پاکستان میں داخل نہیں ہوسکتا، سلج میں موجود مرکری کے لیول کے بارے میں بھی رپورٹ موصول ہوگئی ہے۔تحقیقاتی حکام نے دعوی کیا کہ جہاز میں سلج کے باریمیں انٹرپول کی معلومات درست نہیں ہیں، جہاز میں 1500ٹن نہیں بلکہ صرف 50ٹن کے قریب سلج موجود ہے جبکہ انٹرپول نے جہاز میں 1500ٹن سلج ہونے کا بتایا تھا۔ تحقیقاتی حکام نے مزید بتایا کہ جہاز بیچنے والیکے خلاف کارروائی کیلئے انٹرپول سے رابطہ کریں گے۔ اس معاملے کی تحقیقات ڈی جی پورٹس اینڈ شپنگ کی سربراہی میں قائم کمیٹی نے کی جس میں وزارت دفاع، ایم ایس اے، ایف آئی اے، انوائرمنٹل پروٹیکشن ایجنسی بلوچستان اور کلامیٹ چینج کے نمائندے بھی شامل ہیں۔