اسلام آباد (مانیٹرنگ ڈیسک )گاڑیوں کی ریکارڈ فروخت اور مہنگائی کے بیان پر فواد چودھری تنقید کی زد میں آ گئے‎۔ گزشتوہ روز سماجی رابطے کی ویب سائٹ ٹویٹر پر

انہوں نے ٹویوٹا پاکستان کی جانب سے پاکستان میں گاڑیوں کی ریکارڈ تعداد میں فروخت کا پوسٹر شیئر کیا تھا جس کی کیپشن میں انہوںنے ’’ مہنگائی بہت ہے‘‘ کا ٹیگ کیا تھا۔ جس کے بعد سے انہیں سوشل میڈیا صارفین کی شدید تنقید کا سامنا ہے۔ اکرام محمد نے کہا ہے کہ ہماری حکومت مہنگائی کنٹرول کرنے میں ناکام۔ ان گاڑیوں کی قیمتیں عام آدمی کی پہنچ سے بہت دور ہیں۔ایک صارف کا کہنا تھاکہ 15 لاکھ کی گاڑی 40 لاکھ کی کر کے حکومت کو مذاق سوجھ رہا ہے۔ایک اور صارف کا کہنا تھا کہ تحریک انصاف کا ہر رکن جس کے لیے میرے دل میں تھوڑی عزت تھی اس نے ثابت کیا ہے کہ وہ اس کے قابل نہیں تھا۔ایک صارف رضوان کا کہنا تھا کہ یہ پاکستانی آبادی کا صفر اعشاریہ5 فیصد بنتا ہے باقی 99 اعشاریہ5 فیصد لوگوں کا آپ مذاق اڑا رہے ہیں۔ بہت زیادہ شرمندگی کا مقام ہے اور اس سے بھی زیادہ ہمیں شرمندگی ہے جو لوگ آپ کو یہاں تک لائے۔جبکہ بہت سے صارفین کی جانب سے ملے جلے ردعمل کا اظہار کیاگیا ہے ۔

#MehgayiBohatHai https://t.co/yGnvAvjlCL

— Ch Fawad Hussain (@fawadchaudhry) August 2, 2021