میرپور ماتھیلو(این این آئی) دہشت گردوں کی جانب سے ریلوے ٹریک کو دھماکہ سے اڑانے کی سازش ناکام ، پولیس نے بروقت کارروائی کرکے دھماکہ خیز مواد ناکارہ کردیا ،

تفصیلات کے مطابق گذشتہ درمیانی شب دہشت گردوں نے ڈنو ماکو کے قریب ریلوے ٹریک کے نیچے کراسنگ لوہی پل کے نیچے ڈہائی کلو دہماکہ خیز مواد نصب کردیا تھا جو کہ بھاری جانی مالی نقصان کا سبب بن سکتا تھا ، تاہم ایس ایس پی گھوٹکی عمر طفیل بروقت مخبر کے ذریعے اطلاع ملنے پر میرپور ماتھیلو پولیس کی بھاری نفری کے ہمراہ ڈنو ماکو لیبر کالونی ، پنجابی کے پلاٹ پر پہنچے اور فوری طور پر بم ڈسپوزبل اسکواڈ کو طلب کرکے علاقے کو سیل کردیا گیا ، بم ڈسبوزبل اسکواڈ نے پہنچ کر ڈہائی کلو وزنی دہماکہ خیز مواد کو ناکارہ بنایا ، جس کے بعد علاقے کو کلیئر قرار دیا گیا ، پولیس اس کے متعلق ہر سطح پر تحقیقات کررہی ہے اور اس گھنانے منصوبے میں ملوث کرداروں کا پتہ لگانے کی کوشش کر رہی ہے ، ایس ایس پی گھوٹکی عمر طفیل کے مطابق پولیس اس دہماکہ خیز مواد کے متعلق ہر زاویے سے تحقیقات کررہی ہے اور ملوث ملزمان کو گرفتار کر کے کیفر کردار تک پہنچایا جائے گا۔

موضوعات:ریلوے ٹریک