اسلام آباد (این این آئی)وفاقی وزیر انسانی حقوق شیریں مزاری نے کہا ہے کہ مقتولہ نور مقدم کا خاندان پولیس تحقیقات سے مطمئن ہے۔سینیٹ کی انسانی حقوق کمیٹی اجلاس کے دوران گفتگو کرتے ہوئے وفاقی وزیر شیریں مزاری نے کہا کہ سابق سفیر کی صاحبزادی نور مقدم کے قتل کے ملزم ظاہر جعفر کے والدین امریکی شہری ہیں۔انہوں نے کہا کہ ملزم کے والدین کو بھی پرویژنل نیشنل آئیڈنٹی فیکشن لسٹ (پی این آئی ایل) میں شامل کیا جائے۔وفاقی وزیر انسانی حقوق نے لاہور میں خدیجہ صدیقی پر حملہ کرنے والے شاہ حسین کی قبل از وقت رہائی پر تبصرہ کرتے ہوئے کہا کہ ایسا نہیں ہونا چاہیے تھا۔ انہوں نے کہا کہ شاہ رخ جتوئی کا کیس بھی بڑی مشکل سے واپس لائے ہیں۔انہوں نے کہا کہ ملزم ظاہر جعفر کے دوستوں سے بھی کیس سے متعلق پوچھ گچھ کررہے ہیں۔