کراچی (این این آئی) کورونا وائرس کی وبائی صورتحال کے باعث کراچی میں وزیراعلی ہائوس اورسندھ سیکریٹریٹ کے دفاتر بند کردیے گئے ہیں،سندھ سیکریٹریٹ سمیت کراچی میں واقع محکمہ تعلیم کے دفاترمیں 50فیصد ملازمین کودفاترآنے کے لیے کہا گیا ہے

لیکن سرکاری اسکولوں اورٹیکنیکل ایجوکیشن کے اساتذہ کوپچاس فیصد حاضری کی بجائے پورے اسٹاف کوحاضری کا پابند کردیاگیا ہے اورتاحال محکمہ تعلیم اسکول ایجوکیشن نے اسکولزمیں 50 فیصد حاضری کا نوٹیفیکیشن جاری نہیں کیا ہے۔کورونا ایس اوپیز کے تحت 26 جولائی سے سندھ بھر میں اسکولز اور تعلیمی ادارے بند کیے جانے کے باوجود محکمہ اسکولز ایجوکیشن کی جانب سے اساتذہ کی حاضری سے متعلق تاحال نوٹیفیکیشن جاری نہیں کیا ہے۔ ڈائریکٹر اسکولز ایجوکیشن اورضلعی تعلیمی افسران نے سرکاری اسکولوں کے پورے اسٹاف کو ڈیوٹی پر طلب کیا ہوا ہے۔علاوہ ازیں وزیراعلی ہاس کی جانب سے جاری کیے گئے سرکلر کے مطابق چیف منسٹر ہاس میں شہریوں کے داخلے پر پابندی لگادی گئی ہے اورسی ایم ہاس کے 14 دفاتر کے علاوہ دیگر دفاتر بند رہیں گے۔سرکلر میں مزید کہا گیا ہے کہ 14 دفاتر میں 50 فیصد ملازمین کو آنے کی اجازت ہوگی۔ جبکہ وزیراعلی ہاس کے بند دفاتر کے ملازمین گھروں سے کام کرینگے۔کورونا صوبائی ٹاسک فورس اور محکمہ داخلہ سندھ کے حکمنامہ میں سرکاری دفات میں 50 فیصد حاضری کے ساتھ کام کرنے کو کہا گیاتھا۔