ہفتہ‬‮ ، 05 اپریل‬‮ 2025 

موٹروے پر ڈاکوؤں نے مسافر گاڑیوں پر اندھا دھند فائرنگ کردی

datetime 17  جولائی  2021
ہمارا واٹس ایپ چینل جوائن کریں

گھوٹکی،اسلام آباد ( آن لائن ، این این آئی)گھوٹکی کے علاقے رونتی میں موٹروے پر ڈاکوؤں نے مسافر گاڑیوں پر فائرنگ کردی جس سے 2 افراد زخمی ہوگئے۔پولیس کے مطابق موٹروے 5 پر ایک درجن سے زائد ڈاکوؤں نے حملہ کیا جس میں مسلح ڈاکوؤں نے موٹروے کے دو مقامات پر فائرنگ کی۔ڈاکوؤں کی فائرنگ سے منی ٹرک، جیپ اور کار

نشانہ بنی جس کے نتیجے میں دو مسافر بھی زخمی ہوئے جنہیں تحصیل اسپتال گھوٹکی منتقل کردیا گیا ہے۔پولیس کا بتانا ہیکہ ڈاکوؤں نے کچے میں جاری پولیس آپریشن کے رد عمل میں حملہ کیا جس کے بعد رونتی کے علاقے فورلانڈھی میں ڈاکوؤں کے خلاف کارروائی شروع کردی گئی اور علاقے کو گھیرے میں لیا گیا ہے ۔دوسری جانب موٹروے پولیس نے ایمانداری کی روایت برقرار رکھتے ہوئے ایک کروڑ چالیس لاکھ روپے نقد مالک کے حوالے کر دیے۔تفصیلات کے مطابق ایک گاڑی نمبر AAU 9898 جس میں ابراہیم نامی شخص اسلام آباد سے پشاور کی جانب بذریعہ موٹروے سفر کر رہا تھا کہ کرنل شیر خان انٹرچینج کے قریب گاڑی کو حادثہ پیش آیا ۔ اطلاع پاتے ہی موٹروے پولیس کے ڈی ایس پی علائوالدین اور سب انسپکٹر عاصم احمد موقع پر پہنچے اور امدادی کارروائی کا آغاز کر دیا۔ حادثے میں ڈرائیور محفوظ رہا لیکن ذہنی طور پر شدید شاک کی حالت میں چلا گیا۔ مدد کے دوران ڈرائیور نے موٹروے پولیس کی ٹیم کو بتایا کہ

اس کے پاس کثیر رقم نقد کی صورت میںموجود ہے۔ صورتحال کو مدنظر رکھتے ہوئے ڈی ایس پی علائوالدین نے نفری کے ہمراہ رقم کو حفاظتی تحویل میں لیتے ہوئے بیٹ آفس منتقل کر دیا۔ بعدازاں جب ڈرائیور کے حواس بحال ہوئے اور تسلی بخش صورتحال کے پیش نظر ایک کروڑ چالیس لاکھ روپے نقد ابراہیم کے حوالے کر دیئے گئے جس پر اس نے موٹروے پولیس کا تہہ دل سے شکریہ ادا کیا۔ اس کارروائی کو سراہتے ہوئے ڈی آئی جی موٹروے اشفاق احمد نے افسران کو شاباش دی اور اس عیادے کا اظہار کیا کہ موٹروے پولیس عوام کی جان اور مال کی حفاظت جاری رکھے گی۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…