کراچی (این این آئی)پاکستان کے سنیئر معروف اداکار و میزبان فیصل قریشی کی ایک ویڈیو تیزی سے انٹرنیٹ پر وائرل ہو رہی جس میں وہ اپنے دوست میزبان عادی کی سالگرہ مناتے ہوئے اْ نہیں ’چپیڑیں‘ مار رہے ہیں۔فیصل قریشی کی ایک پرانی ویڈیو سوشل میڈیا پلیٹ فارمز پر تیزی سے
وائرل ہو رہی ہے جس میں وہ اپنے دوست عادی کی سالگرہ مناتے نظر آرہے ہیں۔ویڈیو میں دیکھا جا سکتا ہے فیصل قریشی اپنے دوست کو کیک کاٹنے کے دوران سالگرہ کی مبارکباد دے رہے ہیں اور ساتھ میں انہیں مار رہے ہیں۔اس دوران فیصل قریشی کے ساتھ موجود دیگر فنکار بھی فیصل قریشی کی دیکھا دیکھی عادی کو مارنا شروع کر دیتے ہیں۔انٹرنیٹ صارفین کی جانب سے اس ویڈیو کو شیئر کرتے ہوئے فیصل قریشی کو تنقید کا نشانہ بنا رہے ہیں، انٹرنیٹ صارفین کا کہنا ہے کہ فیصل قریشی پہلے اپنے گریبان میں جھانکیں پھر ٹک ٹاکرز کو ڈانٹیں، فیصل قریشی بھی ماضی میں ایسی حرکتیں لائیو شو کے دوران کرتے رہے ہیں۔دوسری جانب پاکستان کی خوبرو اداکارہ و ماڈل سونیا حسین کو بھارتی ڈانسر و اداکارہ ملائیکہ اروڑا جیسا لباس پہننے پر انٹرنیٹ صارفین کی جانب سے تنقید کا سامنا ہے۔گزشتہ دنوں اسٹائل ایوارڈ شو میں جہاں پاکستانی اداکارائیں مغربی لباس پہننے پر سوشل میڈیا پر تنقید کا نشانہ بنی رہیں وہیں اداکارہ سونیا حسین کے بھارتی اداکارہ کی نقل کرنے پر انٹرنیٹ صارفین اْن سے خوب نالاں نظر آئے۔سوشل میڈیا پلیٹ فارمز پر سونیا حسین کی اسٹائل ایوارڈ شو کے دوران پہنے گئے لباس کی تصویریں زیر گردش ہیں ۔انٹرنٹ صارفین کی جانب سے سونیا حسین کی تصویر کا بھارتی اداکارہ ملائیکہ اروڑا کے ساتھ کولاج بنا کر شیئر کر ہے ہیں۔سونیا حسین اور ملائیکہ اروڑا کی تصویروں میں دیکھا جا سکتا ہے کہ دونوں نے ہو بہو ایک جیسا لباس زیب تن کیا ہوا ہے۔انٹر نیٹ صارفین کا سونیا حسین پر تنقید کرتے ہوئے کہنا ہے کہ انہیں فیشن آئیکون بننا ہے تو ضرور بنیں مگر کسی بھارتی اداکارہ کی نقل کر کے یہ ممکن نہیں ہو سکتا۔پوسٹ کے کمنٹ باکس میں سونیا حسین پر سخت تنقید کرتے ہوئے انسٹاگرام صارفین نے کہا کہ پاکستانی اداکارائوں کے پاس اْن کا اپنا کوئی فیشن سینس نہیں ہے، پاکستانی اداکارائیں ہمیشہ بھارتی فیشن کو فالو کرتی ہیں۔
