اسلام آباد(مانیٹرنگ ڈیسک)مائیکروبلاگنگ ویب سائٹ ٹوئٹر پرشیئر کردہ ایک ویڈیو میں دیکھا جاسکتا ہے کہ سیشن جج دادو ان لوگوں سے اپنی نگرانی میں گٹر صاف کروارہے ہیں جو گھر بیٹھے سرکاری

نوکریوں کی تنخواہیں وصول کیا کرتے تھے۔ویڈیو میں ان لوگوں کو سیشن جج سے معافی مانگتے اور ان کی منت سماجت کرتے بھی دیکھا جاسکتا ہے مگر جج صاحب کسی کو خاطر میں نہیں لارہے ہیں۔رپورٹ کے مطابق ان افراد میں رکن قومی اسمبلی کے بھانجے بھی شامل ہیں جنہیں سفارش پر سول ہسپتال دادو میں بطور سویپر بھرتی کروایا گیا تھا ، یہ افراد ڈیوٹیوں پر آئے بغیر ہی ہر ماہ گھر بیٹھے سرکاری تنخواہیں وصول کرتے ہیں اور قومی خزانے کو بھاری نقصان پہنچاتے ہیں۔سیشن جج دادو نے ان تمام افراد کی شناخت کرکے عوام کے سامنے ان افراد سے گٹر کی صفائی کرواکر سرکاری محکموں میں سفارشی بھرتیوں اور گھوسٹ ملازمین کے خاتمے کی ایک کوشش کی ہے۔سوشل میڈیا صارفین نے سیشن جج کے اس اقدام کی کھل کر تعریف کی ہے ۔

بریکنگ وائرل
دادو میں سفارتی بھرتی کو دھول چٹا دی گئ
سیشن جج دادو نے سول اسپتال میں سوئپر کی پوسٹ پربھرتی ہو کر گھر بیٹھے تنخواہ وصول کرنے والے ایم این اے کے بھانجوں سے گٹر صاف کروالیا pic.twitter.com/u3s2ONzjJs

— RegionalTelegraph (@RegnlTelegraph) July 7, 2021