گجرات (این این آئی)گجرات میں آندھی اور طوفانی بارش کے باعث مختلف واقعات میں 4 خواتین سمیت 6 افراد جاں بحق ہوگئے، کئی علاقوں میں فیڈر ٹرپ کر گئے جس کے باعث بجلی کی فراہمی بھی متاثر ہوئی ، بعض علاقوںمیں بجلی بحال نہ ہو سکی ۔تفصیلات کے مطابق لاری اڈا میں سائن بورڈ گرنے سے ایک شخص اور گرین ٹائون میں درخت گرنے سے ایک

خاتون زندگی کی بازی ہار گئے ۔ اطلاعات کے مطابق مچھلی چوک میں بل بورڈ تلے دب کر خاتون سمیت 2 افراد جان کی بازی ہار گئے۔ اس کے علاوہ سیشن کورٹ روڈ پر مکان کی دیوار گرنے سے 2 بچیاں جاں بحق ہوگئیں۔گجرات سمیت مختلف شہروں میں موسلادھار بارش کے بعد کئی علاقوں میں فیڈرز ٹرپ کرگئے جس سے بجلی کی فراہمی متاثر ہوئی ہے۔