کراچی(مانیٹرنگ ڈیسک)سندھ کے صوبائی وزیر نواب تیمور تالپور نے حریم شاہ سے شادی کی نہ صرف تردید کردی بلکہ کہا ہےکہ حریم شاہ سے شادی سے بہتر ہے کہ انسان خود کشی کرلے، صوبائی وزیر سے سوال کیا گیا کہ کیا آپ رولیکس گھڑی پہنتے ہیں کیونکہ جس نے یہ گھڑی پہنی ٹک ٹاکر کی شادی اسی سے ہوئی ہے،جس کے جواب میں نواب تیمور نے کہا کہ رولیکس سے وزیر
کی شناخت نہ کریں،انہوں نے کہا کہ میرا خیال ہے کہ یہ خبربے بنیاد ہے، پوری خبر حریم شاہ کی اپنی بنائی ہوئی ہے۔صوبائی وزیر نے کہا کہ پوری پارٹی اس شخص کو ڈھونڈ رہی ہے،جس نے حریم شاہ سے شادی کی ہے، جب ہمیں ہی نہیں معلوم کے شادی کس سے کی ہے تو پھر یہ خبر جھوٹ پر مبنی ہوئی،انہوں نے کہا کہ حریم شاہ طویل عرصے سے غائب تھیں انہوں نے دوبارہ لائم لائٹ میں آنے کیلئے یہ آئیڈیااستعمال کیا، یہ ٹوٹل حریم شاہ کا پبلسٹی سٹنٹ ہے اور اس خبر کو قومی خبر بنا کر پیش کیا جارہاہے۔دوسری جانب وزیر تعلیم سندھ سعید غنی نے بھی سوشل میڈیا پر ٹک ٹاکر اسٹار حریم شاہ کے ساتھ شادی سے متعلق گردش کرنے والی خبروں کو سختی سے مسترد کردیا۔تفصیلات کے مطابق وزیر تعلیم سندھ سعید غنی نے سماجی رابطے کی ویب سائٹ ٹوئٹر پر ٹک ٹاکر اسٹار حریم شاہ کے ساتھ شادی سے متعلق خبروں کی تردید کرتے ہوئے کہا ہے کہ محترمہ کوجانتاہوں نہ کبھی ملاہوں، نہ ہی نے انہیں دیکھا ہے، الحمدللہ میں اپنی واحد بیوی اور بچوں کیساتھ خوشگوارزندگی گزار رہا ہوں، براہ مہربانی بغیر تصدیق کہ اس طرح کی خبریں پھیلانے سے گریزکریں، محترمہ نے واقعی شادی کرلی ہے تومیں مبارکبادپیش کرتا ہوں۔
