کراچی(این این آئی)انڈس ریور سسٹم اتھارٹی(ارسا)کی جانب سے آبی ذخائر میں مسلسل کمی کے باعث صوبوں کے پانی کے حصے میں 5 فیصد کی کٹوتی کر دی گئی۔ارسا حکام کے مطابق سندھ کو پانی کی فراہمی ایک لاکھ 49 ہزار سے کم کرکے ایک لاکھ 25 ہزار کیوسک اور پنجاب کو فراہمی ایک لاکھ 25 ہزار سے کم کرکے ایک لاکھ 6 ہزار کیوسک کر دی گئی ہے۔ پانی کی صورتحال یہی رہی تو پانی کا شارٹ فال مزید بڑھ جائے گا، پچھلے 7روز میں آبی ذخائر میں 6لاکھ ایکڑ فٹ سے زائد کی کمی ہوچکی ہے۔واضح رہے کہ 27جون کو تربیلا ڈیم میں 3 ہزار میگاواٹ بجلی کی کمی ہوگئی تھی جس کے باعث ڈیم کے 17 میں سے 13 یونٹس اب تک بند کیے جا چکے ہیں۔ارسا حکام کے مطانق یونٹس بند ہونے سے 4800 میگاواٹ سے زائد کی صلاحیت کے حامل ڈیم سے بجلی کی پیداوار 1800میگا واٹ رہ گئی جبکہ ملک میں پن بجلی کی مجموعی پیداوار صرف 5 ہزار میگاواٹ ہے۔