اسلام آباد (این این آئی)پاکستان اور انٹرنیشنل اسلامک ٹریڈ فنانس کارپوریشن کے درمیان معاہدہ طے پا گیا،نئے فریم ورک ایگریمنٹ کے تحت پاکستان کو 4.5 ارب ڈالر کی سہولت ملے گی ،3 سالہ معاہدے کے تحت خام تیل، ایل این جی، پیٹرولیم مصنوعات اور یوریا در آمد کی جاسکے گی ۔ پیر کو معاہدے پر دستخط کرنے کی تقریب میں وزیر اقتصادی امور عمر ایوب خان نے شرکت کی ،ورچوئل تقریب میں آئی ٹی ایف سی سربراہ ہانی سلیم اور سیکرٹری اقتصادی امور نور احمد نے دستخط کیے ،پیٹرولیم مصنوعات، ایل این جی کیلئے فنانسنگ ،پی ایس او، پارکو اور پی ایل ایل کے لیے دستیاب ہوگی ،وزیر اقتصادی امور عمر ایوب کی نئے معاہدے کو پاکستان کیلئے ثمر آور قرار دیا ۔ عمر ایوب نے کہاکہ اس معاہدے سے ملکی معیشت اور زر مبادلہ کے زخائر پر مثبت اثرات ہوں گے۔