کراچی(این این آئی)پاکستان انٹرنیشنل ایئرلائن(پی آئی اے)کی انتظامیہ نے 140 کیبن کریو جس میں بیشتر خواتین شامل ہیں کو اوور ویٹ(زائد وزن)کی

بنیاد پر فضائی میزبانی سے روک کر گرائونڈ کردیا ہے۔ اس فیصلے کے بعد جولائی کا روسٹر بھی تیار نہیں ہوسکا ہے۔مذکورہ فیصلے کے بعد کیبن کریو میں سخت تشویش اور بے چینی پائی جاتی ہے۔ ترجمان پی آئی اے نے تصدیق کرتے ہوئے کہا کہ 140کیبن کریو نہیں بلکہ 85کو گرائونڈ کیا گیا ہے۔ دوسری طرف فضائی میزبانوںنے موقف اپنایاکہ موجودہ دور میں کورونا کی وبا جاری ہے اور اس سے بچنے کے لیے امیون سسٹم (قوت مدافعت)کو بہتر طریقے سے جاری رکھنے کیلئے ڈائٹ نہیں کی جاسکتی اور بھرپور غذا کا استعمال ضروری ہے۔ انہوں نے کہاکہ صرف فضائی میزبانوں پر اس فیصلے کا اطلاق کیوں کیا گیا۔ کائونٹر پر بیٹھی خواتین ملازمین بھی تو بے انتہا فربہ دکھائی دیتی ہیں۔