ممبئی(این این آئی) زندگی میں پہلی تنخواہ بہت خاص ہوتی ہے، پوری محنت اور لگن کے ساتھ کام کرنے پر جب نتیجہ تنخواہ کی صورت میں ملتا ہے تو ہر کوئی خوشی سے جھوم اٹھتا ہے۔ ذکر کرتے ہیں بالی ووڈ کے ان چند اداکاروں کا جنہوں نے پہلی مرتبہ آمدنی کمائی اور اسے اپنے اپنے طریقے سے خرچ کیا۔معروف اداکار شاہ رخ

خان کے مداحوں کی تعداد کروڑوں میں ہے۔ شاہ رخ خان کو پہلی تنخواہ 50 روپے معروف گلوکار پنکج اداس کے کنسرٹ میں کام کرنے پر ملی۔ اداکار نے تنخواہ سے تاج محل کا ٹکٹ خریدا۔فلم لگان میں ’بوون‘ کا کردار ادا کرنے والے عامر خان نے اپنی پہلی ملازمت سے ایک ہزار روپے کمائے۔ عامر خان نے پہلی تنخواہ اپنی والدہ کے ہاتھ میں رکھی۔فلم ’بلو باربر‘ میں بہترین اداکاری کرنے والے مرحوم اداکار عرفان خان بالی ووڈ میں آنے سے قبل بچوں کو ٹیوشن دے کر ماہانہ 25 روپے کماتے تھے۔ عرفان خان نے آمدنی سے سب سے پہلے سائیکل خریدی۔’کہو نا پیار ہے‘ فلم میں ایکٹنگ کرنے سے پہلے اداکار ہریتھک روشن بحیثیت چائلڈ آرٹسٹ کام کرتے تھے۔ ان کی ماہانہ تنخواہ ایک سو روپے تھی جس سے اداکار نے کھلونا کاریں خریدیں۔اداکار رنبیر کپور نے اپنی پہلی تنخواہ سے سب سے مہنگی ترین گھڑی خریدی جس کی قیمت تقریباً 8 لاکھ اور 16 ہزار روپے ہے۔واضح رہے کہ بھارت کی متنازع اداکارہ کنگنا رناوت نے ’انڈیا‘ کو تبدیل کر کے ملک کا نام پوری طرح سے بھارت کرنے کا مطالبہ کردیا۔انہوں نے کہا کہ اگر ملک میں ترقی چاہتے ہیں تو ہمیں لفظ ’انڈیا‘ سے چھٹکارا پانا ہوگا۔انہوں نے انسٹاگرام پر جاری اپنی ایک اسٹوری میں لکھا کہ ’بھارت کو انڈیا کا نام انگریزوں نے دیتے ہوئے ایک غلام ملک

قرار دیا تھا۔اداکارہ نے لکھا کہ ہمارا ملک تب ہی ترقی کرے گا جب اس کا نام بھارت کیا جائے گا، اور جب اپنی روحانیت اور جڑوں سے جْڑا رہے گا۔انہوں نے مطالبہ کیا کہ انگریزوں کا دیا گیا نام تبدیل کر کے اسے بھارت پکارا اور لکھا جائے۔اپنی اسٹوری میں اداکارہ نے بھارت کا مطلب لکھتے ہوئے بتایا کہ یہ سنسکرت کے تین لفظوں سے مل کر بنا ہے۔واضح رہے کہ کنگنا رناوت آئے روز اپنے متنازع بیانات کے باعث خبروں کی زینت بنتی رہتی ہیں۔