اسلام آباد (این این آئی) پاکستان پیپلز پارٹی کے چیئر مین بلاول بھٹو زر داری نے کلبھوشن یادیو سے متعلق بل کی مخالفت کا اعلان کر تے ہوئے کہا ہے کہ ایک شخص کیلئے چور دروازے سے رات کے اندھیرے میں آرڈیننس تیار کیا گیا،پیپلز پارٹی کلبھوشن یادیو کے معاملے میں سہولت کار نہیں بنے گی،افغانستان سے متعلق فیصلوں کو پوری

دنیا پر اثر ہو گا،افغانستان سے متعلق کیا ڈیل ہوئی ہے پارلیمان کو آگاہ کیا جائے،بیسز سے متعلق یوٹرن خان کے بیان پر یقین نہیں رکھتے، فیصلے پاکستان کی عوام اور ملک کے مفاد میں لیں گے۔ جمعرات کو یہاں میڈیا سے گفتگو کرتے ہوئے بلاول بھٹو زر داری نے کہاکہ ایک شخص کے لئے چور دروازے سے رات کے اندھیرے میں آرڈیننس تیار کیا گیا،اس شخص نے اس آرڈیننس کا فایدہ ہی نہیں لیا،اب حکو مت وہ بل پارلیمان میں لا رہی ہے،پیپلز پارٹی اس بل کی مخالفت میں ووٹ دے گی۔ انہوں نے کہاکہ کلبھوشن یادیو سے متعلق بل پر حکومت نے اعتماد میں نہ لیا،پیپلز پارٹی کلبھوشن یادیو کے معاملے میں سہولت کار نہیں بنے گی۔ انہوں نے کہاکہ کلبھوشن کو این آر او دینا ہے تو عمران خان خود دے دیں۔ انہوں نے کہاکہ افغانستان کے مسلے پر ہم نے بہت سبق سیکھے ہیں،افغانستان سے متعلق فیصلوں کو پوری دنیا پر اثر ہو گا۔ انہوں نے کہاکہ افغانستان سے متعلق آج ہے فیصلوں کے تیس برسوں تک نتائج بھگتیں گے۔ انہوں نے کہاکہ افغانستان سے متعلق کیا ڈیل ہوئی ہے پارلیمان کو آگاہ کیا جائے،بیسز سے متعلق فیصلہ حکومت کا ہے۔ انہوں نے کہاکہ بیسز سے متعلق فیصلے پاکستان کی عوام اور ملک کے مفاد میں لیں گے۔ انہوں نے کہاکہ بیسز سے متعلق عمران خان کے بیان پر یقین نہیں رکھتے،تشویش ہے کہ عمران خان بیسز کے معاملے پر بھی یوٹرن نہ لے لے، امید ہے اسپیکر خورشید شاہ کے پروڈکشن آڈر جاری کرے گا،امید ہے کہ اسپیکر تمام ارکان کو بجٹ پر بات کرنے کا موقع دے کر بجٹ کو غیر قانونی ہونے سے بچائے گا