اسلام آباد(مانیٹرنگ ڈیسک)خان پور کے علاقے سورج گلی میں بلاسٹنگ کے نتیجے میں پہاڑ سر کنے سے ملبے تلے آ کر ایک مزدور جاں بحق اور ایکسو یٹر سمیت دو ٹرک بھی دب گئے ،حادثے کی ویڈیو بھی سامنے آگئی ۔

نجی ٹی وی کے مطابق پولیس حکام کا کہنا ہے کہ کافی لمبے عرصے سے کرشنگ پلانٹ کے لئے بلاسٹنگ کرکے پہاڑ سے پتھر نکالے جارہے تھے، بلاسٹنگ کے باعث پہاڑ کھوکھلا ہو چکا تھا جو صبح اچانک سرک گیا جس کے باعث حادثہ پیش آیا۔پولیس حکام کے مطابق کرشنگ پلانٹ کے مالک کے خلاف مقدمہ کرلیا گیا ہے لیکن ابھی اسکی گرفتاری عمل میں نہیں آئی ہے۔حادثے کی مزید تحقیقات جاری ہیں۔ذرائع کا کہنا ہے کہ یہ علاقہ خان پور ڈیم کے قریب ہے، کرشنگ کے خلاف علاقائی لوگ بڑ ی دیر سے آواز اٹھا رہے ہیں مگر انتظامیہ نے کبھی سخت نوٹس نہیں لیا، بلاسٹنگ کا فی عرصے سے کی جارہی ہے مگر آج صبح اس قدر خطر ناک طریقے سے کی گئی کہ ایک کلو میٹر کی آبادی تک اس کی آواز سنی گئی۔ یاد رہے کہ سپریم کورٹ نے اس علاقے میں بلاسٹنگ پر پابندی عائد کررکھی ہے۔

بریکنگ
ہری پور
خانپور(سورج گلی) میں غیر قانونی بلاسٹنگ کے نتیجے میں پہاڑی تودہ گرگیا
بھاری مشینری،متعدد مزدور دب گئے
مقامی افراد اور میڈیا کو جائے موقع کے قریب نہیں جانے دیا جارہا ہے۔ یاد رہے کہ سپریم کورٹ نے اس علاقے میں بلاسٹنگ پر پابندی عائد کررکھی ہے pic.twitter.com/uRZIW1uddo

— RegionalTelegraph (@RegnlTelegraph) June 22, 2021