اسلام آباد (مانیٹرنگ ڈیسک )پاکستان کا ایک پڑھا لکھا نوجوان کی ویڈیو سوشل میڈیا پر تیزی کیساتھ وائرل ہو رہی ہے جو تعلیم یافتہ ہونے کے باجود شربت کا ٹھیلہ لگانے پر مجبور ہے۔ اس میں کوئی شک نہیں کہ پاکستان میں اس کے جیسے بے شمار اپنی تعلیم کے شعبے میں تجربہ رکھنے

والے نوجوان موجود ہیں لیکن بد قسمتی سے اچھی ملازمت سے محروم ہیں۔ اس میں حکومت کی بھی غفلت دکھائی دیتی ہے جو پڑھے لکھے نوجوانوں کو نوکری دینے میں ناکام ہوچکی ہے۔ہماری ویب کی رپورٹ کے مطابق واپس آتے ہیں اسی مذکورہ نوجوان شخص کی جانب جو ایروناٹیکل انجینئر ہے اور تعلیم حاصل کرنے کے باوجود شربت فروخت کر رہا ہے۔ جوس بیچنے والے شخص کا نام عبدالملک ہے جسے ایک مشہور اداکار کی جانب سے ملازمت کی پیشکش کی گئی ہے۔ عبدالمالک اِن دنوں سوشل میڈیا پر کافی چرچے میں ہیں اور کئی لوگ انہیں بھرپور سپورٹ کرتے دکھائی دے رہے ہیں۔ نوجوان عبد المالک متحدہ عرب امارات سے اپنی اسکول کی تعلیم حاصل کی اس کے بعد چین کی ایک جامعہ سے ایروناٹیکل انجینئرنگ میں اچھے نمبروں کے ساتھ ڈگری حاصل کی۔ باشعور تعلیم یافتہ عبد المالک سوات سے تعلق رکھتے ہیں اور اپنی تعلیم مکمل کرنے کے بعد وہ پاکستان اچھی نوکری کی غرض سے آئے تھے لیکن قسمت نے ان کا ساتھ نہیں دیا اور وہ اس وقت تربوز کا شربت فروخت کر کے گز بسر کر رہے ہیں۔ سماجی رابطے کی ویب سائٹ انسٹاگرام پر جب اداکار فیروز خان کو عبد المالک کے مشکل حالات کا علم ہوا تو انہوں نے ایک پوسٹ کی جس میں ان کا کہنا تھا کہ اگر کوئی میرا مذکورہ شخص سے رابطہ کروادے تو میں انہیں ملازمت دینا چاہوں گا۔