ماسکو(این این آئی)یورو کپ دیکھنے جانے والے پاکستانی رل گئے،پچھلے اڑتالیس گھنٹوں میں پندرہ سے زائد پاکستانیوں کو روسی حکام کی جانب سے تحویل میں لیا گیا۔ ذرائع کے مطابق تحویل میں لئے گئے پاکستانیوں کو ایئرپورٹ پر ہی روکا گیا، ایئرپورٹ پر حکام نے پاکستانیوں کو جعلی فین آئی ڈی کے شعبے میں روکا، چار
پاکستانیوں کو ڈی پورٹ بھی کیا گیا، بیشتر پاکستانی اصلی فین آئی ڈی پر یورو کپ دیکھنے روس پہنچے تھے، لوگوں کو حبس بے جا میں رکھا گیا۔ ترجمان وزارت خارجہ زاہد حفیظ نے پاکستانیوں کو روس میں پیش آنے والی مشکلات کی تصدیق کرتے ہوئے کہاہے کہ پاکستانیوں کو پیش آنے والے مسئلے سے آگاہ ہیں۔زاہد حفیظ نے اپنے بیان میں کہاکہ روس میں پاکستانی ایمبیسی کے حکام اس معاملے پر روسی ہم منصب سے رابطے میں ہیں، اسلام آباد میں بھی وزارت خارجہ نے روسی سفارتخانے سے یہ معاملہ اٹھایا ہے، امید ہے اس معاملے کو جلد خوش اصلوبی سے حل کرلیا جائے گا۔دوسری جانب کورونا کا زور ٹوٹ گیا، سپورٹس بورڈ کے دروازے کھلاڑیوں کیلئے کھولنے کا فیصلہ کرلیا گیا ،پہلے مرحلے میں 21جون سے جاگنگ ٹریک ،ٹینس اور ہاکی کے گرائونڈ کھلاڑیوں کیلئے کھول دیئے جائینگے،دوسرے مرحلے میں 28جون سے بیڈمنٹن ،سکوائش اور فٹنس جم، تیسرے مرحلے میں فٹ بال کے گرائونڈ کو بھی کھولنے کا فیصلہ کیا گیا ۔ اعلامیہ کے مطابق کرونا ایس او پیز پر سختی سے عمددرآمد کیا جائے گا ، کسی بھی اتھلیٹ کو بغیر ماسک کے اجازت نہیں ہونگی ۔اعلامیہ سپورٹس بورڈ کے مطابق کسی کو گلے ملنے اور ہاتھ ملانے کی اجازت نہیں ہوگی ، کھانسی ،گلے کے خراب اور سانس کے مریضوں کو بھی داخلے کی اجازت نہیں ہوگی ، سپورٹس بورڈ میں کسی کو بھی گروپ کی صورت میں اکٹھے ہونے پر مکمل پابندی ہوگی جبکہ کسی بھی قسم کے مہمان کو بھی سپورٹس بورڈ کے داخلے کی اجازت نہیں ہوگی۔
