واشنگٹن (پی این پی) امریکی خلائی ایجنسی ناسا نے ایک ایسا ایک سیارہ دریافت کرنے کا اعلان کیا ہے جہاں پانی کی موجودگی ہوسکتی ہے، مذکورہ دریافت کے بعد سائنس دانوں کو زمین کے علاوہ زندگی کی تلاش میں دلچسپی پیدا ہوگئی ہے۔ برطانوی اخبار کے مطابق عالمی ایجنسی کی ایک لیبارٹری اور نیو میکسیکو یونیورسٹی کے محققین نے نظام شمسی کے باہر ایک ایسا سیارہ دریافت کیا تھا جسے وہ ٹی او آئی -1231 بی کہتے ہیں۔ سائنس دانوں کے مطابق دریافت کیا گیا یہ سیارہ نیپچون کے سیارے کا سائز ہے۔ یہ 24 دنوں میں اپنے ستارے کے گرد چکر پورا کرتا ہے کیونکہ یہ زمین اور سورج کے مابین فاصلے کے مقابلے میں اپنے ستارے سے آٹھ گنا زیادہ قریب ہے لیکن اس کا درجہ حرارت زمین کے درجہ حرارت کے کافی قریب ہے، کیونکہ یہ جس ستارے کے گرد گھومتا ہے اس کی توانائی کافی کمزور ہے۔

موضوعات:نیا سیارہ دریافت