اسلام آباد (مانیٹرنگ ڈیسک)معروف سیاحتی مقام بابوسر ٹاپ پر انتہائی افسوسناک واقعہ پیش آیا ہے جہاں پر تین سال کی بچی انتقال کر گئی۔ ریسکیو انچارج کے مطابق سیاحوں کی مدد کے لیے لیے ریسکیو ٹیم  میکینک کے ساتھ پہنچی تھی۔متاثرہ خاندان کا تعلق ناران سے

ہے جب کہ یہ خاندان سیاحت کے لیے بابو سر آیا تھا۔شدید سردی کی وجہ سے بچی کی موت ہو گئی۔یاد رہے 28 مئی2021 کو آٹھ ماہ کے طویل وقفے کے بعد سیاحتی مقام بابو سر ٹاپ ٹریفک کیلئے کھولا گیا تھا،خیبر پختونخواہ کے ہزارہ ڈویژن اور گلگت بلتستان کے سنگم پر واقع سطح سمندر سے 13 ہزار 6 سو فٹ سے زیادہ بلندی پر واقع بابو سر ٹاپ کھولتے ہی سیاحوں کی بڑی تعداد بابوسر ٹاپ پہنچی تھی۔حکام کے مطابق بابوسر پر برف ہٹانے کا کام مکمل کر کے شاہراہ کو بحال کردیا گیا جبکہ بابوسر ناران روڈ کی بحالی کے لئے برف ہٹانے کا عمل جاری ہے۔ حکام کے مطابق اس روڈ پر تیرہ چھوٹے بڑے گلیشرز اور تودوں کو صاف کیا گیا تھا ۔ستمبر سے بابوسر ٹاپ پر شدید برف باری شروع ہو جاتی ہے جس کے باعث یہ شاہراہ قریباً آٹھ ماہ ٹریفک کے لیے بند ہوجاتی ہے۔اس روڈ کے کھلنے سے ملک کے دیگر شہروں سے گلگت بلتستان کا سفر کا دورانیہ بھی کم ہوجاتا ہے۔کورونا وائرس کی وجہ سے بھی سیاحت کافی عرصہ تک بند رہی تاہم حال ہی میں سیاحوں کو شمالی علاقہ جات کی سیر و تفریح کی اجازت دید ی گئی تھی جس کے بعد بڑی تعداد میں لوگوں نے ٹھنڈے علاقوں کا رخ کیا۔