لاہور (آن لائن)شمالی چھائونی کے علاقے میں وارڈن کی بہن بھائی سے ہاتھا پائی اور گالم گلوچ کرتے ہوئے فوٹیج منظر عام پر آ گئی۔بتایا گیا ہے کہ لائسنس زائد المیعاد ہونے پر وارڈن نے لڑکی سے موبائل چھینا جس پر جھگڑا ہو گیا۔ بہن بھائی ٹریفک وارڈن سے موبائل فون لینے

تھانہ شمالی چھائونی پہنچے۔ تھانے میں موجود وارڈن اکرم نے دونوں کو دھکے دیئے اور گالم گلوچ کی۔تھانہ شمالی چھائونی میں وارڈن کی شہریوں سے ہاتھا پائی کے معاملے پر ڈی آئی جی آپریشنز ساجد کیانی نے ایس پی کینٹ کو واقعے کی انکوائری کی ہدایت کر دی۔ڈی آئی جی آپریشنز ساجد کیانی نے کہا کہ قصور وار پائے جانے پر اہلکار کے خلاف کارروائی ہو گی۔ تھانوں میں شہریوں کے ساتھ غیر اخلاقی رویہ برداشت نہیں۔سی ٹی او لاہور سید حماد عابد نے گفتگو کرتے ہوئے کہا کہ آئی جی اور سی سی پی او نے انکوائری کرنے کی ہدایت کی۔ فوٹیج میں نظر آنے والے شخص نے ہیلمٹ، ماسک نہیں پہنا تھا،نوجوان کی بہن نے بحث کرنا شروع کر دی،ان کے پاس کاغذات موجود نہیں تھے