جیکب آباد(این این آئی)دادو اور جیکب آباد میں سورج آگ برسانے لگا، دادو میں درجہ حرارت 52 ڈگری سینٹی گریڈ جبکہ جیکب آباد میں درجہ حرارت 50سینٹی گریڈ تک پہنچ گیا، انسان تو انسان پرندے بھی گر کر بے ہوش ہونے لگے۔ تفصیلات کے مطابق جیکب آباد میں گرمی کا پارہ ہائی ہو گیا ہے اور سورج آگ برسانے لگا ہے محکمہ

موسمیات کے مطابق جیکب آباد میں جمعرات کے روز گرمی کا درجہ حرارت 50سینٹر گریڈرکارڈ کیا گیا ہے، جیکب آباد میں شدید گرمی کے باعث انسان تو انسان پر اڑنے والے پرندے بھی گر کر بے ہوش ہونے لگے اولڈ میونسپل روڈ پر چیل کر گر بے ہوش ہو گئی جس نوجوان پانی پلا کر ہوش میں لایا ہوش میں آنے کے بعد چیل اڑ ہو گئی گرمی کا پارہ ہائی ہونے کے بعد شہر کے راستے ویران ہو گئے اور لوگ گھروں تک محدود ہو گئے گرمی میں اضافے کے بعد سیپکو کی جانب سے بجلی کی لوڈشیڈنگ میں بھی اضافہ ہو گیا لوٖڈشیڈنگ کی وجہ سے شہریوں کو شدید مشکلات کا سامنا کرنا پڑا، شہریوں نے چیف سیپکو سمیت ایم این اے او ایم پی اے سے ایشیاء کے گرم ترین علاقے جیکب آباد کو گرمی میں خصوصی ریلیف دیکر لوڈشیڈنگ فری کرنے کا مطالبہ کیا ہے۔سکھر میں سورج آگ اگلنے لگا، پارہ 41 سے 43 سینٹی گریڈ تک پہنچ گیا،سڑکوں پر سناٹے، شہری پریشان، مزید اضافے کا امکان، شہر میں ٹھنڈے مشروبات کی مانگ میں اضافہ،تفصیلات کے مطابق سکھر اور گردونواح میں گرمی کی شدت میں اضافہ ہوگیا ہے گرمی کی شدت میں اضافے کے باعث سکھر کا درجہ حرارت 41 سینٹی گریڈ سے 43 سینٹی گریڈ تک پہنچ گیا ہے گرمی بڑھنے کے باعث شہر کی سڑکوں پر سناٹے چھا گئے ہے محکمہ موسمیات کے مطابق

گرمی میں مزید اضافے کا امکان ہے اور درجہ حرارت 45 سینٹی گریڈ تک پہنچ سکتا ہے شدید گرمی کے باعث لوگ گھروں میں محبوس ہوکر رہ گئے،سڑکوں پر ٹریفک معمول سے کم نظر آیا جبکہ ٹھنڈے مشروبات کی مانگ میں بے تحاشہ اضافہ ہونے کیساتھ ریٹ بھی بڑھا دیئے گئے ہیں۔اس کے علاوہ پنجاب کے اہم شہروں میں گرمی میں اضافہ ہو گیا ہے۔