اسلام آباد (مانیٹرنگ ڈیسک) وزیر اعظم عمران خان کی کابینہ کی تعداد بڑھ کر 51ہو گئی ہے۔روزنامہ جنگ میں رانا غلام قادر کی شائع خبر کے مطابق  کابینہ ڈویژن کے ذ رائع نے بتایا کہ وفاقی کابینہ میں18غیر منتخب شخصیات بھی شامل ہیں ۔محمود باقی مولوی کی شمولیت کے بعد معاونین خصوصی کی تعداد 16 ہوگئی ہے۔ وفاقی وزراء کی تعداد 27،ہے جن میں ایک غیر منتخب وفاقی وزیر بھی شامل ہے۔ معاونین خصوصی میں 13 غیر منتخب شخصیات شامل ہیں۔ وزیراعظم کے تمام 4 مشیر بھی غیر منتخب ہیں ۔ وفاقی کابینہ میں وزرائے مملکت کی تعداد 4 ہے ۔