اسلام آباد (این این آئی)پاکستان پیپلز پارٹی کے سیکرٹری جنرل نیئر حسین بخاری نے کہاہے کہ عمران خان کا نیب بارے بیان قبل از وقت انتخابات کا اشارہ ہے ۔ اپنے بیان میں انہوں نے کہاکہ وزیراعظم عمران خان درحقیقت اپنی ناکامی کا ملبہ نیب پر ڈال رہے ہیں، عمران خان اپنی ناکامی کا ملبہ اب اداروں پر ڈال رہے ہیں، عمران خان کے بیان کا مقصد نیب کو پریشر میں لانا ہے، نیب کی کارکردگی کا پول تو پہلے ہی اعلی عدالتیں کھول چکی ہیں۔

انہوں نے کہاکہ نیب کو صرف اپوزیشن کو ٹارگٹ کرنے کے لئے استعمال کیا گیا ہے،اپوزیشن کے خلاف بے بنیاد مقدمات سے کچھ حاصل نہیں ہوسکا، انہوں نے کہاکہ عمران خان کا بیانیہ عوام کو گمراہ نہیں کرسکتا، عمران خان کو نہ پہلے عوام نے منتخب کیا اور نہ کبھی مستقبل میں منتخب کرے گی،ملک میں مہنگائی کی صورتحال نے عوام کا جینا مشکل کردیا ہے، عوام عمران خان کے دھوکے میں کبھی نہیں آئے گی۔

موضوعات:نیئر حسین بخاری