لاہور( این این آئی)جہانگیرترین گروپ سے تعلق رکھنے والے رکن پنجاب اسمبلی نذیر چوہان نے کہا ہے کہ اگر انکوائری میں فیصلہ جہانگیرترین کے خلاف بھی آتا ہے تب بھی ہم عمران خان کے ساتھ ہیں۔نجی ٹی وی سے گفتگو کرتے ہوئے نذیر چوہان نے کہا کہ اللہ نے ہمیں ایسا ہیرا دیا ہے جس کانام عمران خان ہے ،انشااللہ آئندہ 5سال بھی عمران خان ہی وزیراعظم ہوں گے۔نذیرچوہان نے کہا کہ مجھے امید ہے عمران خان اورجہانگیرترین کی صلح ہوجائے گی ،ہمارے گلے

شکوے چلتے رہیں گے لیکن عوام کواچھابجٹ دیناہے۔انہوں نے کہا کہ جہانگیرترین کیخلاف کیس میں کچھ بھی نہیں پھر بھی وزیراعظم عمران خان کا جو فیصلہ ہو گا وہ ہمیں قبول ہوگا ،اگر انکوائری میں فیصلہ جہانگیرترین کے خلاف بھی آتاہے تب بھی ہم عمران خان کے ساتھ ہیں۔انہوں نے کہا کہ وزیراعلی عثمان بزدار سے ملاقات میں کہا یہ بجٹ ہمارا آخری بجٹ ہوگا جس میں سارے فنڈ رکھنے ہوں گے اس سال کے بجٹ کواگلے سال بھی استعمال کیا جائے گا۔

موضوعات:نذیر چوہان