راولپنڈی(آن لائن) وفاقی وزیرہوابازی غلام سرور نے کہا ہے کہ رنگ روڈ منصوبے کو سیاست کی نذر نہیں ہونے دیں گے،یہ ایک قومی اہمیت کا حامل منصوبہ ہے،احتسابی عمل سے گزرنے کیلئے تیار ہیں،خود کو کلیئر کرائیں گے،پی ڈی ایم اپنی موت آپ مر چکی ہے،تحریک انصاف میں کوئی گروپنگ نہیں ہے،لیڈر صرف ایک عمران خان
ہے۔ غلام سرور خان نے کہا کہ وزیراعظم عمران خان نے رنگ روڈ منصوبے پر کام جاری رکھنے کی ہدایت کی ہے، ان خیالات کا اظہار انہوں نے ہفتہ کے روز پریس کانفرنس کرتے ہوئے کیا۔غلام سرور نے کہا کہ ، وزیراعظم عمران خان سے ہی رنگ روڈ منصوبے کا سنگ بنیاد رکھوائیں گے، رنگ روڈ سے متصل کسی بھی ہاؤسنگ سوسائٹی سے میرا کوئی تعلق ہے نہ کوئی میری زمین، احتساب سے سب کو گزرنا ہوگا اور خود کو کلئیر کرانا ہو گا پی ٹی آئی میں کوئی گروپنگ ہے نہ کوئی فارورڈ بلاک پی ٹی آئی ایک ہے جس کا لیڈر ایک عمران خان ہے، پی ڈی ایم کے درمیان بھی ہم آہنگی نہیں ہے پی ڈی ایم اپنی مو ت آپ مری ان کی کوئی ایک سوچ نہیں تھی ہم نے کہا تھا کہ پی ڈی اے ایم ہر انتخاب میں حصہ لے گی ان کے پا س اب کھیلنے کو کچھ نہیں ہے۔ انہوں نے کہا کہ پی ٹی آئی میں گروپنگ کا تاثر دیا جا رہا ہے لیکن پی ٹی آئی میں کوئی گروپنگ ہے نہ کو ئی فارورڈ بلا ک گلے شکوے جمہوریت کا حسن ہیں پی ٹی آئی ایک ہے ایک رہے گی اور اس کا لیڈر بھی ایک ہے جس کا نام عمران خان ہے ۔ جہانگیر ترین نے خود کہا تھا کہ وہ پی ٹی آئی میں ہیں ایک گھر کی طرح پی ٹی آئی میں بھی اختلاف ہو سکتے ہیں۔ احتساب کا عمل سب کیلئے یکساں ہو گا کسی کے ساتھ نا انصافی نہیں ہو گی جہانگر ترین خود کو بے قصور
ٹھہرانے کیلئے قانونی جنگ لڑ رہے ہیں۔ میں نے بھی وزیر اعظم سے ملاقات کی اور اپنے آپ کو تحقیقات کیلئے پیش کیا میر ا کسی ہاؤسنگ سوسائٹی سے کوئی تعلق ہے نہ میری رنگ روڈ کے ساتھ کوئی زمین ہے کابینہ میں کہا کہ انکوائری ٖضرور کریں اور جو ذمہ دار ہو اس کے خلاف کاروائی ہو نی چاہیئے، رنگ روڈ منصوبہ راولپنڈی اسلام آباد کیلئے نہایت اہم اور قومی اہمیت کا حامل منصوبہ ہے اسے سیاست کی نذر نہیں ہونے دینگے اسی سال منصوبے کو شروع کروائیں گے اور وزیراعظم عمران خان سے منصوبے کا سنگ بنیاد رکھوائیں گے۔
