کراچی(آن لائن)کراچی کے علاقے گلشن اقبال میں نجی ہسپتال میں معذورمریضہ سے مبینہ طور پر زیادتی کی کوشش کی گئی۔ متاثرہ خاتون کے شوہر نے بتایاکہ وہ اپنی معذور اہلیہ کو طبیعت بگڑنے پر نجی اسپتال لائے جہاں وارڈ بوائے نے خاتون سے زیادتی کی کوشش کی۔انہوں نے کہا کہ اہلیہ کو ڈاکٹرز کے کہنے پر آئی سی یو میں داخل کیا تھا جہاں ڈاکٹرز نے اہلخانہ کو واپس بھیج دیا اور کہا
کہ اسپتال انتظامیہ مریضہ کا خیال رکھے گی۔متاثرہ خاتون کے شوہر کا کہنا تھا کہ صبح اسپتال آنے پر اہلیہ کو روتا پایا تو پوچھنے پر انہوں نے بتایاکہ ان کے ساتھ زیادتی کی کوشش کی گئی ہے۔واقعے کی اطلاع پولیس کو دے دی گئی ہے جس کے بعد پولیس نے ہسپتال کی سی سی ٹی وی ویڈیو حاصل کرلی اور ویڈیو میں نظر آنے والے ایک وارڈ بوائے کو حراست میں لے لیا۔
