کراچی (این این آئی)بین الاقوامی مارکیٹ میں فی اونس سونے کی قیمت میں 15ڈالرکانمایاں اضافہ، جس کے نتیجے میں ملکی صرافہ مارکیٹوں میں بھی فی تولہ سونا مزید900روپے مہنگاہوکرملکی تاریخ کی نئی بلندترین سطح 90000روپے کی سطح پرپہنچ گیا۔آل کراچی صراف اینڈجیولرزایسوسی ایشن کے مطابق بدھ کوبین الاقوامی گولڈ مارکیٹ میں فی اونس سونے کی قیمت میں 15ڈالرکااضافہ ریکارڈ کیا گیا،جس کے نتیجے میں فی اونس سونے کی قیمت1530ڈالرسے بڑھ کر1545ڈالرہوگئی۔آل کراچی صراف اینڈجیولرزایسوسی ایشن کے مطابق کراچی،حیدرآباد، سکھر،

ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت میں 900روپے اور10گرام سونے کی قیمت میں 770روپے کااضافہ ریکارڈ کیاگیا،جس کے نتیجے میں فی تولہ سونے کی قیمت89100روپے سے بڑھ کر90000روپے اوردس گرام سونے کی قیمت76390روپے سے بڑھ کر77160روپے ملکی تاریخ کی نئی بلندترین سطح پر پہنچ گئی۔بدھ کو چاندی کی فی تولہ قیمت اوردس گرام قیمت میں استحکام رہا،جس کے نتیجے میں چاندی کی فی تولہ قیمت1130.00روپے اوردس گرام چاندی کی قیمت968.80روپے پرمستحکم رہی۔