اسلام آباد (آن لائن) وفاقی وزیر شیخ رشید نے کہاہے کہ کچھ لوگ پیسے دینے کیلئے تیارہوگئے ہیں، ابھی بات چلی ہے، اس میں ایک مہینہ تو لگے گا، تحقیقاتی کمیشن کو تحریک انصاف کے نو ماہ کی بھی تحقیقات کرنی چاہئے۔نجی ٹی وی سے گفتگو کرتے ہوئے شیخ رشید نے کہا کہ کچھ لوگ پیسے دینے کیلئے تیارہوگئے ہیں، ابھی بات چلی ہے، اس میں ایک مہینہ تو لگے گا، تحقیقاتی کمیشن کو تحریک انصاف کے نو ماہ کی بھی

تحقیقات کرنی چاہئے، میثاق معیشت این آر او کا دوسرا نام ہے۔ انہوں نے کہا کہ غریب صرف نعرے مارنے کیلئے ہے، چور ضمانت ہونے کے بعد وکٹری کا نشان بناتے ہیں۔انہوں نے کہا کہ اپوزیشن نے ملک کو بری طرح لوٹا ہے، پیپلز پارٹی نے سندھ کو تباہ کردیاہے، اس وقت ملک کوشوگر مافیا نے اپنے قبضہ میں لیا ہواہے۔ان کا کہنا تھا کہ ہماری حکومت کی کارکردگی پچھلی حکومت سے بہتر ہے، عمران خان پر لوگوں کو اعتماد ہے۔