اسلام آباد (مانیٹرنگ ڈیسک) گیس کی قیمتوں میں 200 فیصد اضافے کے لیے سمری ای سی سی کو بھجوا دی گئی،پٹرولیم ڈویژن نے گیس کی قیمتوں میں اضافے کے لیے ای سی سی کو بھجوا دیا، ایک نجی ٹی وی چینل کی رپورٹ کے مطابق اس سمری کے مطابق گھریلو صارفین کے لیے 200 فیصد گیس مہنگی کی جائے گی جبکہ کمرشل گیس پر 31 فیصد اضافہ

کیا جائے گا، ماہانہ 100 یونٹ استعمال کرنے والوں کی گیس کی قیمت میں 50 فیصد اضافہ کیا جائے گا، 200 یونٹ گیس استعمال کرنے والے صارفین کے لیے گیس کی قیمتوں میں 75 فیصد اضافہ ہو گا جبکہ 300 یونٹ استعمال کرنے والے صارفین کی گیس کی قیمتوں میں 100 فیصد اضافہ کیا جائے گا۔ای سی سی آئندہ اجلاس پر قیمتیں بڑھانے پر غور کرے گی۔