بدھ‬‮ ، 23 اپریل‬‮ 2025 

پٹرولیم مصنوعات بجلی،گیس کی قیمتوں کا تعین،ریگولیٹری اداروں کو مکمل اختیارات دینے کی تیاریاں،بڑا فیصلہ کرلیاگیا

datetime 29  مئی‬‮  2019
ہمارا واٹس ایپ چینل جوائن کریں

کراچی(این این آئی)وفاقی حکومت نے پٹرولیم مصنوعات اور بجلی و گیس کی قیمتوں کے تعین کیلئے ریگولیٹری اداروں کو مکمل اختیارات دینے پر غور شروع کردیا ہے۔تفصیلات کے مطابق حکومت اور آئی ایم ایف کے دوران مذاکرات میں آئی ایم ایف کی جانب سے شرح سود اور شرح مبادلہ کے حوالے سے فیصلہ کرنے کیلئے اسٹیٹ بینک کو مکمل خود مختاری دینے کی سفارش کی گئی تھی۔

اس ضمن میں ذرائع نے بتایا کہ حکومت کی جانب سے پٹرولیم مصنوعات،بجلی و گیس کی قیمتوں کے تعین کیلئے متعلقہ ریگولیٹری اداروں کو مکمل طور پر خود مختار بنانے کی تجویز بھی اسی سلسلے کی ایک کڑی ہے۔ذرائع نے اس ضمن میں مزید بتایا کہ پٹرولیم مصنوعات و گیس کی قیمتوں کے تعین اور رد و بدل کیلئے آئل اینڈ گیس ریگولیٹری اتھارٹی(اوگرا)اور بجلی کے نرخوں کے تعین اور فیول ایڈجسٹمنٹ کیلئے نیشنل الیکٹرک پاور ریگولیٹری اتھارٹی(نیپرا)کو اختیارات تفویض کرتے ہوئے مکمل طور پر خود مختار بنانے کی تجویز زیر غور ہے۔ذرائع کے مطابق زیر غور تجویز میں نیپرا کو بجلی اور اوگرا کو پٹرولیم مصنوعات کی قیمتوں کے تعین کے اختیارات سے اس ضمن میں حکومت پر دباو میں کمی واقع ہوگی اور دونوں ریگولیٹری ادارے قیمت خرید اور فروخت کے مطابق یوٹیلیٹیزکی قیمتوں کا تعین کرینگے۔اس ضمن میں ایک تجویز یہ بھی زیر غور ہے کہ ان ریگولیٹری اداروں کو قیمتوں کے تعین میں خود مختاری ضرور دی جائے،تاہم کسی بھی قسم کا حتمی فیصلہ اقتصادی رابطہ کمیٹی،کابینہ یا پھر وزیر اعظم کی مشاورت و ہدایات کے مطابق ہی کیا جائے۔



کالم



Rich Dad — Poor Dad


وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…