لاہور/ سیالکوٹ(سی پی پی)چیف جسٹس سپریم کورٹ جسٹس ثاقب نثار نے ایک دن میں پونے دو کروڑ روپے ڈیم فنڈ کیلئے اکٹھے کرلئے ۔نجی ٹی وی کے مطابق دربار شاہ جمال پر تقریب کے دوران اخوت فاؤنڈیشن کے سربراہ ڈاکٹر امجد ثاقب نے چیف جسٹس کو ڈیم فنڈز کے لئے ایک کروڑروپے کا چیک پیش کیا۔چیف جسٹس سے سپریم کورٹ لاہور رجسٹری میں ایم ڈی نیسپاک ڈاکٹر طاہر مسعود اور جی ایم سیفائیر ٹیکسٹائل جہانزیب طارق بلوچ نے الگ الگ ملاقات کی، ایم ڈی نیسپاک ڈاکٹر طاہر مسعود نے

ڈیم فنڈز میں 55 لاکھ 50ہزار روپے جبکہ جی ایم سفائیر ٹیکسٹائل ملز جہانزیب طارق بلوچ نے 20 لاکھ 1ہزار 4سو روپے کا عطیہ دیا۔ عدالت عظمیٰ کے ڈیمز فنڈز میں اب تک 3 ارب33کروڑ 79 لاکھ 64 ہزار807 روپے جمع ہوچکے ہیں۔ ادھرضلع سیالکوٹ کے تمام سرکاری محکموں کے افسران اور ملازمین پرائم منسٹر دیا میر بھاشا ڈیم کی تعمیر کیلئے قائم فنڈز میں رواں ماہ ایک یوم کی تنخواہ دیں گے ۔ یہ فیصلہ ایڈیشنل ڈپٹی کمشنر جنرل منور حسین لنگڑیال کی زیر صدارت فنڈ ریزنگ کیلئے منعقدہ اجلاس میں کیا گیا ۔

موضوعات:ثاقب نثار ڈیم فنڈز