لاہور(مانیٹرنگ ڈیسک) سیشن کورٹ نے حمیرا ارشد کے شوہر احمد بٹ کو چھ سالہ بیٹا علی ماں کے حوالے کرنے کا حکم سنا دیا۔ ذرائع کے مطابق بچہ حوالگی کیس کی سماعت سیشن کورٹ میں ہوئی جہاں فریقین کے دلائل سننے کے بعد عدالت نے احمد بٹ کو چھ سالہ بیٹا23 ستمبر تک حمیرا ارشد کے حوالے کرنے کا فیصلہ سنا دیا۔ عدالتی فیصلے میں کہا گیا ہے کہ بچے کی حوالگی کا حتمی فیصلہ گارڈین کورٹ کریگی جس کیلئے حمیرا ارشد کو گارڈین کورٹ سے رجوع کرنے کا کہا گیا ہے۔یاد رہے کہ احمد بٹ اور حمیرا ارشد میں گھریلو تنازع کے بعد طلاق اور بچے کی حوالگی کے حوالے سے قانونی جنگ جاری تھی۔ حمیرا ارشد نے طلاق کے بعد بچے کی حوالگی کیلئے سیشن کورٹ میں درخواست دائر کی تھی جس میں موقف اختیار کیا گیا تھا کہ احمد بٹ زبردستی بچے کو چھین کر اپنے ساتھ لے گیا ہے۔

موضوعات:حمیرا ارشد ، احمد بٹ