ممبئی(نیوز ڈیسک) سینما پرراج کر نے والی خوربرو اداکارہ کرشمہ کپور کا کہنا ہے کہ ان کی فیملی اور بچے ان کے لیے سب کچھ ہیں جب کہ برے وقتوں میں ان کی بہن کرینہ ان کا بڑا سہارا ہوتی ہیں۔بھارتی میڈیا رپورٹس کے مطابق بالی وود اداکارہ کرشمہ کپور کا کہنا ہے کہ ان کے بچے اور فیملی ان کے لیے سب سے بڑھ کرہے جب کہ ان کی بہن کرینہ برے وقتوں میں ان کا بہت بڑا سہارا ہوتی ہیں۔ ان کا کہنا تھا کہ بچوں کے ساتھ انہیں چھٹیاں گزارنا بہت اچھا لگتا ہے اور ان کے بچے ہی ان کی دنیا ہیں۔اداکارہ نے کہا وہ زیادہ ترکالے اورسفید رنگ کے کپڑے پہنتی ہیں اور روایتی کپڑے بہت پسند ہیں، اداکارہ سے جب ذاتی زندگی کے حوالے سے سوال کیا گیا توان کا کہنا تھا کہ وہ اس حوالے سے کوئی بھی بات کرنا نہیں چاہتیں۔واضح رہے کہ اداکارہ نے 2003 میں بھارتی بزنس مین سنجے کپورسے شادی کرلی تھی جس کے 10 سال بعد دونوں میں علیحدگی بھی ہوگئی تاہم اب ان کے طلاق کا معاملہ عدالت میں زیرسماعت ہے جس میں ان کے شوہر نے اداکارہ پر سنگین قسم کے الزامات عائد کئے ہیں۔

موضوعات:کرشمہ کپور