ممبئی(نیوز ڈیسک )اگرچہ بولی ووڈ سٹار بپاشا باسو کی طرف سے حالیہ بوائے فرینڈ کرن سنگھ گرور کے ساتھ تعلقات کی مسلسل تردید کی جارہی ہے، تاہم دونوں کی تصاویر ہمیشہ کچھ اور ہی کہتی دکھائی دیتی ہیں۔رپورٹ کے مطابق اداکارہ کی طرف سے حال ہی میں مائیکرو بلاگنگ سائٹ ٹویٹر پر شادی کیلئے ہاں کا اشارہ دیا گیا ہے۔اداکارہ کی طرف سے ٹویٹر پر معروف بھارتی کرکٹر یووراج سنگھ اور اداکارہ ہیزل کیچ کی منگنی پرانھیں مبارکباد کا پیغام بھیجا گیا۔اداکارہ کی طرف سے کی گئی ٹویٹ کے جواب میں کرکٹر ٹویٹ کا کہنا تھا کہ تم کب اپنی زندگی کی کہانی میں نیا موڑ لانے کا ارادہ رکھتی ہو۔ اس پر اداکارہ کا کہنا تھا کہ جلد ہی انکا نمبر بھی آنے والا ہے۔تاہم کرن سنگھ گرور کی طرف سے حال ہی میں دیئے گئے ایک انٹرویو کے دوران بتایا گیا کہ تھا کہ میں اور بپاشا باسو ایک ساتھ کام کرتے ہیں ، ایک ساتھ رہتے ہیں اور سب سے بڑھ کر ایک دوسرے کی موجودگی سے لطف اندوز ہوتے ہیں تاہم ابھی انکا شادی کا کوئی ارادہ نہیں ہے۔واضح رہے ماضی میں کرن سنگھ گرور جینیفر ونگٹ اور بپاشا باسو جان ابراہم کے ہاتھوں محبت میں دھوکہ کھا چکے ہیں۔ پس اب یہ تو آنے والا وقت ہی بتا سکتا ہے کہ اداکارہ اپنے جیون ساتھی کی لئے کس کاانتخاب کرتی ہیں۔