ممبئی(نیوز یسک )بولی ووڈسٹار سونم کپور اپنی صاف گوئی کی عادت کی بنا پرفلم انڈسٹری میں خاصی شہرت رکھتی ہیں۔اداکارہ کی طرف سے حال ہی میں انڈین ایکپریس ڈاٹ کام کو دیے گئے خصوصی انٹرویو کے دوران بتایا گیا کہ وہ اپنی 12نومبر کے روز نمائش کیلئے پیش کی جانے والی فلم ”پریم رتن دھن پایو“ کی کامیابی سے بے حد خوش ہیں۔ انھوں نے بتایا کہ سلمان خان کے ساتھ “پریم رتن دھن پایو” میں کام کرنے کا تجربہ “سانوریا”کے مقابلے میں بہترین رہا۔اداکارہ کا کہنا تھاکہ ہر سال انکا کوئی ایک گانا ایسا ضرور ہوتا ہے جو شائقین کے ذہنوں میں طویل مدت تک محفوظ رہتا ہے اس سال کا بہترین گانا”پریم رتن دھن پایو“ ان میں سے ایک ہے۔جب ان سے پوچھا گیا کہ وہ مستقبل قریب میں کس اداکار کے ساتھ آن سکرین رومانس کرنا پسند کریں اس سوال کے جواب میں اداکارہ کا کہنا تھاکہ انکی خواہش ہے وہ ہالی ووڈ سٹار لیونارڈو ڈی کیپریوکے ساتھ سکرین پر رومانس کریں۔ سونم کپور سے جب بولی ووڈ خانز کے متعلق پوچھا گیا تو اداکارہ کا کہنا تھا کہ سلمان خان کے بعد شاہ رخ خان کی ہیروئن بننا میرا خواب ہے۔علاوہ ازیںسونم کپور کا کہنا تھا کہ وہ عامر خان کے ساتھ اداکاری کے مقابلے میں انکی ڈائریکشن میں کام کرنے کو ترجیح دیں گی۔