ممبئی(نیو ز ڈیسک )بولی ووڈ اداکارہ سوناکشی سنہا روایتی ہیروئنزکی طرح اپنی ہمعصر اداکاراﺅں کے ساتھ سرد جنگ میں مصروف ہونے کی بجائے انکی صلاحیتوں کی کھلے عام تعریف کرتی ہیں۔حال ہی میں اداکارہ سے مائیکرو بلاگنگ سائٹ ٹویٹرلائیو چیٹ کے دوران ایک پرستار کی طرف سے سوال پوچھا گیا کہ انکے خیال کے مطابق بولی ووڈ انڈسٹری میں بہترین اداکارائیں کونسی ہیں ؟ اس سوال کے جواب میں ”دبنگ“ سٹار کا کہنا تھا کہ دورحاضر میں کنگنا رناوت اور عالیہ بھٹ بہترین اداکارائیں ہیں۔ بولی ووڈ کے سینئر اداکار شتروگھن سنہا کی صاحبزادی اداکارہ سوناکشی سنہا کی نئی آنے والی فلم ”اکیرا“ ہے۔ اداکارہ نے بتایا کہ اکیرا میں شائقین انھیں ایک مرتبہ پھر سے سنجیدہ کردار میں دیکھیں گے۔ایکشن سے بھرپور ”اکیرا“ 2011ئ میں بنائی جانے والی تامل فلم ”مونا گورو“ کا ریمیک ہے۔سونا کشی سنہا کی ”اکیرا“ میں کونکنا سین شرما، انوراگ کھشپ اور امیت سادھ بھی اہم کردار ادا کر رہے ہیں۔