ممبئی(نیوز ڈیسک)برطانوی نڑاد بولی ووڈ اداکارہ ایمی جیکسن کا کہنا ہے کہ ایکشن سے بھرپور کردار کرنا میرا خواب تھا جو سنگھ از بلنگ میں کام کر کے پورا ہو گیا۔واضح رہے ایمی جیکسن نے اپنے فنی سفر کا آغاز رومانٹک فلموں سے کیا تھا۔رپورٹ کے مطابق’ سنگھ از بلنگ ‘کی ہیروئن ایمی جیکسن کا کہنا ہے کہ اس فلم میں میرا کردار میری توقعات کے عین مطابق ہے۔علاوہ ازیں انکا یہ بھی کہنا ہے کہ اکشے کمار بطور ساتھی اداکار بے حد پروفیشنل اور مدد کرنے والے انسان ہیں۔ ایمی نے میڈیا سے بات چیت کے دوران بتایا کہ خاص طور پرفلم کے دوران ایکشن والے مناظر کی عکس بندی میں اکشے کمار نے انکی بہت مدد کی۔علاوہ ازیں ایمی جیکسن کا کہنا تھا کہ انھیں اس بات کا بھی بخوبی اندازہ ہے کہ بولی ووڈ انڈسٹری میں ڈانس اور رومانس کی بہت اہمیت ہے لہٰذا وہ اس سے بھی ہر گز غافل نہیں ہیں۔اکشے کمار کے بارے میں اداکارہ کا مزیدکہنا تھاکہ وہ مستقبل میں بھی اکشے کے ساتھ کام کرنے کی خواہش مند ہیں۔یاد رہے اکشے کمار اور ایمی جیکسن کی ’سنگھ از بلنگ‘ جمعے کے روز نمائش کیلئے پیش کر دی جائے گی۔