ممبئی(نیوز ڈیسک)بولی ووڈ انڈسڑی کی معروف اداکارہ کرینہ کپور آج21ستمبر کو اپنی 35ویں سالگرہ منائیں گی۔بیبو 21ستمبر1980ءکو بھارتی شہر ممبئی میں پیدا ہوئیں۔کرینہ کپور نے ابتدائی تعلیم جمنہ بائی نرسری سکول اور ویلہم گرلز سکول ممبئی سے حاصل کی۔بعد ازاں انھوں نے وکالت کی تعلیم حاصل کرنے کے ارادے سے ممبئی گورنمنٹ کالج میں داخلہ لیا مگر جلد ہی پڑھائی کو خیر باد کہہ کر فلمی سفر کا آغاز کر دیا۔اداکارہ نے اپنے فنی سفر کا آغاز پہلی فلم ’رفیوجی‘ سے کیا ،تاہم بعد ازاں انکی اعلیٰ کار کردگی نے انھیں صف اول کی ادکاراں کی فہرست میں لا کھڑا کیا۔بولی ووڈ کے چھوٹے نواب سیف علی خان کی اہلیہ کرینہ کپور خان نے حال ہی میں کبیر خان کی ’بجرنگی بھائی جان‘میں سلمان خان کے مقابل بہترین اداکاری کا مظاہرہ کیا تھا۔رپورٹ کے مطابق آجکل اداکارہ آر بالکی کی ’کی اینڈ کا‘کی شوٹنگ میں مصروف ہیں۔واضح رہے اداکارہ کی والدہ نے انکا نام کرینہ شہرہ آفاق ناول ’اینا کرینینا‘ سے متاثر ہو کر رکھا