نیو دہلی(نیوز ڈیسک)جیسے کہ ہم جانتے ہیں بولی ووڈ کی معروف اداکارہ اور مس ورلڈ پریانکا چوپڑہ آجکل امریکی ٹی وی سیریز میں اپنے فن کا جادو چلا رہی ہیں۔تاہم اداکارہ ابھی اپنی نئی منزل تک رسائی کے بارے میں سوچ رہی ہیں۔حال ہی میں اداکارہ نے اپنے انٹرویو میں میڈیا سے بات چیت کے دوران بتایا کہ انھوں نے اپنے کیریئر کے بارے میں اتنا کبھی نہیں سوچا تھا۔انھوں نے ایک سوال کے جواب میںبتایا کہ انھوں نے بارھویں کلاس میں ماڈلنگ کا آغاز کر دیا تھا علاوہ ازیں محض اٹھارہ برس کی عمر میں مس ورلڈ منتخب ہونے کے بعد انھوں نے بولی ووڈ فلم انڈسٹری میں قدم رکھا۔انھوں نے بتایا کہ جب وہ مس ورلڈمنتخب ہونے کے بعدپہلی بار ممبئی کے بیچ پر اپنی سہیلی کے ہمراہ چہل قدمی کر رہی تھیں تو انھوں نے شہر کے بڑے بورڈز کی طرف غور سے دیکھا تھا۔تاہم اس وقت انھیں اندازہ نہیں تھا کہ ایک دن وہ بھی ان ان بورڈز کی زینت بنیں گی، اورنا صرف بھارت میں بلکہ امریکی شہر نیویارک کے تمام بل بورڈز پر بھی انہی کا راج ہو گا۔انکا مزید کہنا تھا کہ انھیں امریکی ٹی وی سیریز میں کام کر کے اپنی بہت سی خامیوں پر قابو پانے کا مو قع ملا ہے۔علاوہ ازیں انکا یہ بھی کہنا تھا کہ اگر انھیں امریکی سیریز میں کام کرنے کا موقع نہ ملتا تو کسی اور غیر ملکی انٹرٹینمنٹ انڈسٹری میں مل جاتا۔اداکارہ کا کہنا ہے کہ ابھی بھی وہ اچھوتے اور منفرد کردار کی تلاش میں ہیں۔