لاہور (نیوز ڈیسک) کوک سٹوڈیو اپنی منفرد گائیکی کی وجہ سےجانا جاتا ہے، سیزن 8 کی بے پناہ مقبولیت کا اندازہ اس بات سے لگایا جاتا ہے کے پچھلےآٹھ سالوں سے ہر سال ایک نئے انداز اورخصوصی لوک گانوں اور نغموں کے ساتھ ساتھ لوک گلوکاروں کو بھی تعارف کراتا ہے یہی سٹوڈیو کی پاکستان میں بے پناہ مقبولیت کی وجہ ہے۔اس بارسیزن8 میں توجہ کا مرکز 26 سالہ گل پانرا ہے جو اپنی خوبصورت منفرد آوازسے پہچانی جارہی ہیں۔
مزید پڑھئے: پولیو مہم سیکیورٹی خدشات پر 3حصوں میں تقسیم، 7ستمبر سے شروع ہوگی
گل پانرا کا تعلق پشاور سے ہے۔ پشاوریونیورسٹی سےماسٹرکی ڈگری حاصل کی۔اس سے پہلےگل پانرا اپنے تعلیمی دور میں گائیکی میں حصہ لیا کرتی تھیں ، ماحول اور گھر سےحو صلہ افزائی نہ ہونے کی وجہ سے کبھی یہ خوبصورت آواز منظرعام پر نہیں آئی۔ لیکن کالج اور یونیورسٹی میں حوصلہ آفزائی ملنے کے بعد گل پانرا نے گائیکی کا شعبہ اپنایا- گل پانرا نے بے شمار پشتو گانے گائے اور دنیا بھر کے پختون ان کے گانوں سے محظوظ ہوئے۔پشتو فلموں میں ان کے گانوں کو خصوصی پذیرائی ملی۔ میوزیکل بینڈ سٹرینگ سے تعلق رکھنے والے بلال اور فیصل نے جب گل پانرا کی سحرآمیز آواز کو سنا تو کوک سٹوڈیو کی پیشکش کی۔
