کراچی(نیوز ڈیسک)کراچی میں جاری آپریشن اور سیکورٹی خدشات کے باعث انسداد پولیو مہم کو 3حصوں میں تقسیم کر دیا گیا ہے۔ پولیو مہم اب 7ستمبر سے شروع ہوگی۔ محکمہ صحت کے مطابق شہر میں سیکورٹی خدشات کے باعث انسداد پولیو مہم کو 3حصوں میں تقسیم کردیا گیا، جس کے تحت پہلے مرحلے میں انتہائی حساس علاقے، جبکہ دوسرے مرحلے میں حساس علاقے اور آخری مرحلے میں عام علاقوں میں معمول کے مطابق پولیو مہم کی جائے گی۔ محکمہ صحت کے مطابق 7ستمبر سے جاری پولیو مہم کے دوران 22لاکھ بچوں کو پولیو سے بچاﺅ کے لئے قطرے پلائے جائیں گے، جبکہ انجکشن کے ذریعے بھی ویکسینشن کی جائے گی۔