ممبئی (نیوز ڈیسک)بھارتی فلم انڈسٹری کی ڈمپل گرل پریتی زنٹا نے امیتابھ بچن ، شاہ رخ خان اور سلمان خان کو اپنے ایک انٹرویو میں خراج تحسین پیش کیا ہے۔
تفصیلات کیمطابق بالی ووڈ سپراسٹار پریتی زنٹا جنکو بالی ووڈ میں کام کرتے ہوئے 17 سال مکمل ہوچکے ہیں نے ٹوئٹر پر اپنے کیریئر کی یادیں تازہ کی ہیں۔
پریتی زنٹا نے امیتابھ بچن کو خراج تحسین پیش کرتے ہوئے لکھا ہے کہ بچن صاحب ایک اکیڈمی کا درجہ رکھتے ہیں اور جونیئر آرٹسٹوں سے بڑی شفقت کا مظاہرہ کرتے ہیں۔ کنگ خان کے بارے میں لکھتی ہیں کہ انکی اداکاری دیکھ کر کئی دفعہ آبدیدہ ہوگئی تھی۔ دبنگ خان کے بارے میں لکھتی ہیں کہ بالی ووڈ میں انکی سب سے زیادہ دوستی سلمان خان کیساتھ ہے مگر انکے ساتھ کام کرنے سے پہلے میں بہت خوفزدہ تھی۔