ممبئی(نیوز ڈیسک)بالی وڈ اداکارہ کترینا کیف نے کہا ہے کہ سیف علی خان نفیس انسان ہیں۔بھارتی میڈیا کے مطابق کترینا کیف ،جو فلم”فینٹم“ میں اداکار سیف علی خان کے ہمراہ جلوہ گر ہونگی ، نے اپنے حالیہ انٹرویو میں کہا کہ سیف علی خان انتہائی نفیس انسان ہیں۔ علاوہ ازیں وہ ذہین اورباشعور انسان ہیں۔فلم کی عکسبندی کے دوران انہیں ان سے بہت کچھ سیکھنے کو ملا۔ فلم کے مناظر میں سے ان کا پسندیدہ منظر لبنان میں عکسبند کیا گیا ہے۔اس منظرمیں اداکار سیف علی خان مشین گن سے فائرنگ کررہے ہیں اور وہ چھوٹی پستول ہاتھ میں لئے ہوئے ہیں۔
یہ فلم کا سب سے مزیدار اور انٹرٹینمنٹ سے بھرپورمنظر ہے۔ فلم کے پروڈیوسرساجدنادیہ والااورسدھارتھ رائے کپورہیں۔فلم28 اگست کو سینما گھروں میں نمائش کیلئے پیش کی جائے گی۔