نیو دہلی(نیوز ڈیسک)بالی ووڈ اداکارہ زرین خان کو نیویارک میں واقع جان ایف کینڈی بین ا لاقوامی ہوائی اڈے پرروک لیا گیا۔رپورٹ کے مطابق زرین خان اپنی بہن اور منیجر کیساتھ ایک شو میں شرکت کے لئے امریکہ کے دورے پر گئیں تھیں۔ایک امریکی نیوز ویب سائٹ نے ذرائع کے حوالے سے بتایاہے کہ انھیں ایئر پورٹ حکام نے ویزے کے متعلق انکوائری کی غرض سے روکا تھاجبکہ انکیمنیجرکو امیگریشن والوں نے فوری جانے کی اجازت دے دی تھی۔ذرائع کے مطابق اداکارہ اکثر اوقات امریکہ کا دورہ کرتی رہتی ہیں تاہم ایسا واقعہ پہلی بار پیش آیا کہ انھیں ایئر پورٹ پر روک کر سوالات کا سامنا کرنا پڑا۔
ذرائع نے مزید بتایا کہ انھوں نے ایئر پورٹ حکام کے ساتھ مکمل تعاون کیا اور انکے تمام سوالات کے جوابات دیئے۔بعد ازاں انھیں حکام کی طرف سے جانے کی اجازت دے دی گئی۔علاوہ ازیں جب اداکارہ سے اس خبر کی تصدیق کے لئے رابطہ کا گیا تو انھوں نے کہا کہ یہ واقع انکے لئے انتہائی نا خوشگوار تھا۔