ممبئی (نیوز ڈیسک) بولی وڈ میں مسٹر پرفیکشنسٹ کے نام سے پہچانے جانے والے عامر خان ایک مرتبہ ڈائریکٹر کی جانب سے بات نہ سننے پر دلبرداشتہ ہوکر رونے کے لیے چٹان کے پیچھے چلے گئے تھے۔اکشے کمار کی اہلیہ ٹوئنکل کھنہ کی کتاب کی لانچنگ تقریب کے دوران ٹوئنکل نے اپنی اور عامر خان کی دوستی کے حوالے سے بہت سے رازوں سے پردہ اٹھایا۔تقریب کے دوران 40 سالہ ٹوئنکل نے اپنی یادوں کو کھنگالتے ہوئے ایک واقعہ شیئر کیا، “ایک مرتبہ ڈائریکٹر نے عامر کی بات نہیں مانی، جس پر وہ چٹان کے پیچھے جاکر رونے لگے تھے”. یاد رہے کہ عامر اور ٹوئنکل نے 2000 میں فلم “میلہ” میں ایک ساتھ کام کیا تھا تاہم دھرمیش درشن کی ہدایات میں بننے والی یہ فلم باکس آفس پر کچھ زیادہ کامیابی حاصل نہیں کرسکی تھی.