ممبئی(نیوز ڈیسک)بالی ووڈ اداکارہ عالیہ بھٹ نے اپنی شادی سے متعلق انکشاف کرتے ہوئے کہاہے کہ وہ 32سال کی عمر میں شادی کریں گی ، شادی کیلئے یہ عمر مناسب ہوتی ہے۔بچپن کی دوست انوشکا رانجھن کی فلم ”ویڈنگ پلاﺅ ”کے ٹریلر کی نمائش کے موقع پر اداکارہ نے کہاکہ ابھی میری عمر صرف 22سال ہے ، میرا خیال ہے کہ شادی کا پلاﺅ چکھنے کیلئے 32سال کی عمر مناسب رہے گی۔اداکارہ نے کہاکہ میں نے ابھی شادی کا لڈو نہیں چکھا اس لیے مجھے اس پر کوئی افسوس بھی نہیں ہے۔خوابوں کے شہزادے کی خوبیوں سے متعلق ایک سوال کے جواب میں انہوں نے کہاکہ اچھی حس مزاح رکھنے والے کو وہ اپنا ہمسفر منتخب کریں گی۔وہ ایسا ہونا چاہیے کہ جو مجھے ہنسنے پر مجبور کرے ، اس کے ساتھ ساتھ خوبرو ہونا بھی ضروری ہے۔عالیہ نے کہاکہ میں نہیں بتاﺅں گی کہ مجھے کیسے متاثر کرناہے ،جو مجھ سے پیار کرے گا اسے مجھے متاثر کرنا بھی معلوم ہونا چاہیے۔میں بہت حساس لڑکی ہوں اور بعض اوقات میں جذباتی بھی ہوجاتی ہوں۔