ممبئی (نیوز ڈیسک)بولی وڈ اداکارہ سونم کپور کا کہنا ہے کہ اداکار سلمان خان کے ساتھ چھ سال بعد فلم ’پریم رتن دھان پایو‘ میں اداکاری کرنا ایک بہترین تجربہ رہا ہے۔
سونم کپور نے بولی وڈ میں اپنے سفر کا آغاز فلم ’سانوریا‘ میں مرکزی کردار ادا کرکے کیا تھا جس میں ان کے ہمراہ رنبیر کپور اور سلمان خان نے اہم کردار ادا کیا تھا۔انڈین ایکسپریس کے مطابق سونم کپور کا کہنا تھا کہ انہوں نے اپنی پہلی فلم سلمان خان کے ساتھ کی تھی اور چھ سال بعد ایک بار پھر سلمان کے ساتھ کام کرنا ان کے لیے بہترین تجربہ ہے۔بولی وڈ کی فیشن ا?ئکن سونم کپور اس وقت میلبورن میں انڈین فلمی میلے میں موجود ہیں، تقریب میں سونم کا کہنا تھا کہ ان کا بولی وڈ سفر نہایت اچھا گزر رہا ہے اور شوبز میں اتنے سال گزارنے کے بعد وہ جس مقام پر ہیں، خوش ہیں۔سونم کا اپنے فیشن سٹائل کے حوالے سے کہنا تھا کہ وہ ہمیشہ وہی پہنتی ہیں جس سے وہ مطمئن ہوں اور اس بارے میں نہیں سوچتی کہ لوگ انہیں دیکھ کر کیا کہیں گے۔