نیو دہلی(نیوز ڈیسک) جیسے کہ ہم جانتے ہیں بولی ووڈ اداکارہ ٹونکل کھنہ جو معروف بھارتی اداکار اکشے کمار کی اہلیہ ہیں بذات خود ایک کامیاب اداکارہ کی صف میں جگہ حاصل کرنے میں ناکام رہی تھیں۔تاہم وہ بہترین حس مزاح کی مالک ہیں یہی وجہ ہے کہ وہ سماجی رابطے کی ویب سائٹ ٹویٹر پر اپنی مزاحیہ ٹویٹس کے باعث خاصی شہرت رکھتی ہیں۔انھوں نے اپنے بیٹے آرو اور شوہر کی مدد سے ایک ویڈیو بھی ریکارڈ کی ہے جس میں وہ کہتی دکھائی دیتی ہیں بھارتی مرد اس لئے اپنی ماں کی پوجا کرتے ہیں کیونکہ مذہب نے کہا ہے کہ گائے کی پوجا کرو۔یاد رہے وہ باقاعدگی سے بلاگ پوسٹس اور آرٹیکلز بھی لکھتی ہیں جن میں انکی مزاح کی حس اور حاضر دماغی کا عنصر واضح نظر آتا ہے۔ٹونکل کھنہ نے ’مسز فنی بونز بائی ٹونکل کھنہ‘کے نام سے ایک کتاب بھی تحریر کی ہے اور آجکل اسکی اشاعت کے سلسلے میں کام کر رہی ہیں۔