لاہور (نیوز ڈیسک) بالی ووڈ فلم ڈائریکٹر راج کمار ہیرانی موٹر سائیکل سے گر کے زخمی ہوگئے ہیں۔ ان کے جبڑے میں فریکچر ہوا ہے۔ یہ حادثہ رات کے تین بجے اس وقت پیش آیا جب شوٹنگ میں مصروف ہیرانی کو موٹر سائیکل کی سواری کا شوق آیا اور وہ اپنے دوست کی نئی موٹر سائیکل پر کرتب دکھانے لگے تاہم اسی دوران گر پڑے۔ حادثے کے فوری بعد ان کے کانوں سے خون بہنا شروع ہوگیا تھا جس پر انہیں برین ہیمرج ہونے کا خطرہ پیدا ہوگیا اور فوری طور پر بیندرا کے لیلاوتی ہسپتال منتقل کیا گیا۔راج کمار کی دیکھ بھال پر معمور ڈاکٹر جلیل پارکر کا کہنا ہے کہ برین ہیمر کا کوئی خطرہ موجود نہیں ہے۔ ان کی تھوڑی سڑک سے ٹکرائی سے جس سے جبڑے میں فریکچر آیا۔ یہ معمولی نوعیت کا ہے اور امید ہے کہ انہیں سرجری کی ضرورت پیش نہیں آئے گی۔ راج کمار ہیرانی منابھائی ایم بی بی ایس اور تھری ایڈیٹس جیسی فلموں کے ڈائریکٹر ہیں۔